لقاء مع شيش كباب ....حصريا"
هلوووو
شلونكم ؟؟؟
اليوم عدنة لقاء وية شيش كباب في برنامج حشاش في ورطة
شلونك اخ شيش؟؟؟
مستعد للاسئلة؟؟؟
يالله نبدي
اي بس اريد سكول سبانة
هسة بعدين
س1 / هل يوجد طريقة للصعود الى الشمس دون احتراق؟؟؟؟ و ان وجدت
هل يمكن البقاء هناك؟؟
ج \ و الله اكو هواي طرق منهه 1- نصعد بالليل 2- نشيل شمسية و نصعد مشي
3- نغطي المركبة بچادر
اما طريقة البقاء كلش سهلة اني مجربهه مرة من صعدنة اني وجماعتي اول موصلنا
بالوقت الي دنبحث على هوتل لگينة في (ظل) و گعدنة جواه.
س2 / ما هو طموحك في المستقبل؟؟
ج / اصير نفر كباب او صينية كاملة
س3 / ما فائدة الشمس ؟؟
ج / للشمس فائدة واحدة فقط وهي تسود الشخص
يعني مثلا الواحد اذا اسود يسوي عملية تجميل يصير ابيض
اما بالسودان فهم كل ما الواحد يصير اسود كل ميصير احلى
فبدال ميسوي عملية تجميل يگعد جوة الشمس
يعني هسة تگلي ليش الشمس مو الها بعد فوائد ؟؟
اگلك لا
بس القمر اهم منهه لان من يطلع بالليل يضوي
اما الشمس تطلع تلگة الدنيا ضاية بعد شنو فائدتهه
س4 / ما هي اسوأ صفاتك؟؟
ج / عندما انام الظهر لا استطيع ان اتعشى في الليل
و عندما اأخذ سيارة الوالد العصر لا استطيع ان اذهب الى الدوام
س5 / لو خيروك ان تختار ملكة جمال العالم فمن تختار؟؟
ج / گونداليزا رايس
لان الجمال في الوقت الحاضر قليلة الاستعمال في الصحراء فبدأ
الامريكان باستخدامها في الدولة كونها تمتلك اوى ذاكرة بين الحيوانات
فاني مشايف جمال گبل بس على المنبر بالتلفزيون فلذلك اختاريت گونداليزا رايس
س6 / ما هو اكثر موقف اضحكك ؟؟
ج / اكثر موقف اضحكني انفجرت سيارة مفخخة يم بيتنة
فالجام كلة تكسر و مبقى واحد منجرح بالمنطقة
گلت شنو اكثر موقف ضحكك مو بچاك ؟
اي دخلي اكمل فاني طلعت برة اشوف العالم تبچي هذا الي مضيع ابنة
وهذا الي مضيع اخوه و هذا الي مضيع نعالة و غيرها
اما اني ليش ضحكني لان صرت مخبل لان ضاع الموبايل مالتي
س7 / شنو رايك العمل اللازم اتخاذه لحل ازمة البانزين؟؟
ج / سؤال سهل وجوابة صغير
انت گلي هو اكو بانزين بالعراق حتى نحل الازمة اوكي مو مشكلة خلي نفترض وجودة
يعني كل العراقيين يبيعون سياراتهم بهالحالة راح تنسد البانزين خانات و اي سرة للبانزين
ميبقة اما المولدات فخلي بيهه مي مقطر راح يقطر على المحرك و يحرگ المولدة
انت شتسوي بيهه اذا ماكو بانزين مو حلينة الازمة والحمد لله بعد ماكو بانزين
س8 / كيف تحافظ السفينة على نفسها من الغرق ؟؟
ج / والله ما اعرف بس يمكن كاتبة چيت Cheat الي نفسة نستعملة ب GTA يعني
قصدي seaway
س9 / كيف يتولد الحب ؟؟
ج / هنالك انواع عديدة منه الي اعرفه عن الحب هو:
يزرعون بذور و وراهه من تكبر تطلع وردة مال عباد الشمس و بيهه حب
و يسمون هذا النوع من الحب بالحب من طرف واحد لان من تفتح الحباية تلگة لباية وحدة س اخير / في الختام ممكن تگلي ليش طلبت سكول سبانة مني ببداية الحلقة ؟؟
ج / و الله مو دا اريد اجيب الحاسبة مال بيت خالي اشتريتهه منهم
لان دا اريد اشد السخان
اوكي شكرا على الوقت الثمين الي قضيتة ويانة
لا يا ثمين قابل لابس ساعة ذهب
مع السلااااااااااااااااااامة
الرئيسية 
