منظمة العلا
اهلا بك زائرنا الكريم
نتمنى منك التسجيل معنا في منتدى منظمة العلا

منظمة العلا

 
الرئيسيةالرئيسية  البوابةالبوابة  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخول  

شاطر | 
 

 ابوذيات

اذهب الى الأسفل 
كاتب الموضوعرسالة
العساس
المشرفين
المشرفين
avatar

عدد الرسائل : 180
العمر : 26
الدولة : العراق
;nbsp& :
تاريخ التسجيل : 08/07/2008

مُساهمةموضوع: ابوذيات   2008-07-18, 3:38 pm

حبيبي بيوم عني أرحلت خاليت
وسهام الهجر بالدلال خاليت
انه الجنت اضنك ولف خاليت
ولامرني خيال تخون بيه


قسيت وياك يسمر عمي انا
وعين الماتشوفك عمي انا
اذا خالك فزعلك عمي انا
تبرة وضحك الوادم علية



فرغ كلبي بمحبتك ماتملي
ولحظات بعشرتك ماتملي
بجفاك العزة ناصب ماتم لي
و جة حتى النجم يلطم عليه


لجل حبك خضعنا وانتمينـــه
ولان الطيب منكم وانته منـه
دخل نرفع ادينه وانتمـــنه
يربي ادوم عشرتنه سويـــــــه


ولك حيل
يكلبي امشي بدرب حبك ولك حيل
و الك من غايتك همة و الك حيل
الضعيف يطيح بلمطرد و الكحيـٍَِل
يواصل لو علة جتافة المنية



وصل خطك يروح الروح بي داي
قريته وسال دمع العين بيداي
ياريت اليالي اتعود بيداي
واخبرك بالفراك شعمل بيه


حبك شامه بخدودي ودكــه
واحط بالكلب بسمارك وادكه
شكم دكه شفت منك ودكــه
ورغم كل هذا احبك مو بديه


عيوني من البجي ركن شراكة
بعتني والكلب تدري شراكة
جبتني وياك عالحلوة شراكة
وكت المر عفتني وخنت بيه


شربت الجاي مر مر بستكانة
وحرام اكضي العمر كاعد باستكانة
سبع بوسات يسمر بستك انه
ولو تطلب بعد اوصل المية



شعدلاك

أنه الرايح بطعناتك شعدلاك
وحده اثنين شحسبلك شعدلاك
عوج من جدمك لراسك شعدلاك
عدلتك وانكسرت ابين اديه

....
وأنتصرنه

صرت احنه عله كيفك وانتصرنه
وخرز طشرنه خدك وانتصرنه
عله خدودك هجمنه وانتصرنه
واحدنه اشتعل بشفاك ابيه

....
وأن تهديت

شيضرك ان تسامح وان تهديت
وكلتلك لاتهدني وانت هديت
انه الهديت كبلك وانت هديت
وراي وهدتك صارت عليه

....
مايجن بيك

يجن بيه المصايب مايجن بيك
وعسه الجنبك عني مايجنبيك
شلون تريد طالب مايجن بيك
اذا الاستاذ ياخذلك تحيه

....
شفتك اته

حرام الدمع ينظم شفتكته
الك يالتيهتني شفتك اته
جمر حركتلي شفتي شفتك اته
جهنم بيك وانه ابليس بيه

....
بالصفاره

قطار الهجر طوّح بالصفاره
خذاك وظل وجهنه بالصفاره
كضيناهه الدراسه بالصفاره
كلما تغمز ألنه أطيح ميه

....
مروك

أيا طعم الشهد بشفاي مروك
وراكو فوك كلبي روك مروك
خذوك كبال عيني وعلي مروك
وشطت لله لمن مروك بيه


إعيوني إعليك دم مو دمع هملان
جي لنك لحالي اصبحت هملان
لون كلبك حبيبي صخر هملان
الصخر لان او جسه كلبك عليه
************************
إشالي عندك بعد يسمر وشالك
ظل ابرفجت العني وشالك
تمنيتك طفل ترضع وشالك
او تناغي او تبتسم مابين اديه


وكتي ما شايف نظيرة وكتي شافه
وكليبي الخلص ينزف وك تشافه
جذب نيوتن هو واكتشافه
انه بحظنة اكتشفت الجاذبية


عصت عيني يدمعي ما تهلك
وتلف من شاف طولك مات هلك
تگلي اشبيك ناحل ماتو اهلك
صدر طاؤوس من تكبل عليه


يـــلايم لا تــــلوم الگــــلب دمعــين

جــــرح البــــيه مــــا يندمل دمعين

فــــايض بـــالجفن هـــاليوم دمعين

عـــلى مــصاب النبي وظلع الزچيه

$$$$$$



مـــــثل الـــــدوح للـــــونه نبـــيها

تــــــناوبنه ابحـــــزن واحـنه نبيها

اشـــــلون امــــه الـذي خانت نبيها

ونقـــــضت بـــــيعته وأمر الوصيه


$$$$$$$$$$$






حسبتك الي ياخلي نداماي
يبير الما ابد منك ندا ماي
بعد شيفيد من تالي نداماي
مضه صواب التجافي وعمل بيه


ريحه اتفوح من جسمك وردماي
واحملك كسرة اضلوعي وردماي
ابشرك كلبي كام ايظخ وردماي
اسمك بالوريد اشعمل بيه


كياني من القهر مختض وماجوج
ودليلي مسجر بنارك وماجوج
طحت مابين يا جوجك وماجوج
وشلع ما تنفع وياهم خطيه


عليك المات والحي سائل آنه
صلب لاكن لربعي سائل آنه
وگفت اباب بيتك سائل آنه
اذا ما تنطي ليش تكص اديه


مزيقة حزن خلخالك منيداي
ومنسولك لوه جيدك منيداي
الك نيه تحل حبلك من ايداي
يسير الله ويسيرك روف بيه



اريــد اعزف واغنيلك .. عتابه
وعليك الگلب ما بطل .. عتابه
احن لدارك ما انسه .. اعتابه
وتضل ذكـراك دوم تعم عليـــه



اتمنى الردود شباب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذيات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منظمة العلا :: المنتدى الادبي :: الشعر الشعبي-
انتقل الى: